معلومه في فيلم : الذكاء الاصطناعي و فيلم I, Robot
اتفرجت علي فيلم I, robot لـ will smith ؟ لو متفرجتش عليه لحد دلوقتي , روح اتفرج عليه; لان الفيلم دا بيناقش واحد
من المجالات البحثيه الحاليه و هي الذكاء الاصطناعي Artificial Intelligence [AI] و مراحل تطوره اللي بيسعي ليه
العلماء حاليا .
في الاول خلينا نعرف يعني ايه ذكاء ؟
احنا بنقول علي الشخص ذكي لما نلاقيه بيتعلم بسرعه و بيعرف ياخد القرار المناسب في الوقت المناسب و يقدر يتعامل مع
المواقف الجديده و الغريبه عليه او زي ما قال David Fogel هو قدرة النظام علي تكيف تصرفه بما يحقق اهدافه .
اتفرجت علي فيلم I, Robot ولا لسه ؟ هنبدأ نعرف يعني ايه ذكاء اصطناعي من خلال الفيلم دا ( مابضيعش وقتك علي فكره
^_^ )
اللقطه الاولي هي الفكره الاولي و اللي فيها بنشوف الروبوت بينقذ Will Smith وبيسيب البنت الصغيره تغرق ! الفكره هنا
هي ان الروبوت بيفكر بنوع من الذكاء اسمه Rational اي عقلاني يخضع للمنطق و هو الصوره المثاليه للذكاء ! يعني ايه
برضو مش فاهم ؟
يعني الروبوت لما شاف Will Smith و البنت الصغيره عمل حساباته المنطقيه و لقي ان نسبة نجاة Will Smith أعلي
من نسبة نجاة البنت فأنقذه هو بغض النظر عن الناحيه العاطفيه و هي انقاذ البنت !
في سياق الفيلم هتتعرف علي Sony الروبوت المتفرد بقدرته علي الحلم ! و خليني اقولك ان الموضوع اتحول من خيال علمي
لواقع لان طبقا لاخر مقال نشرته شركة الذكاء الاصطناعي التابعه لجوجل DeepMind اعلنت فيه عن تطويرها لخوازميات (
طرق ) تقدر من خلالها تخلي الروبوتات تحلم ! يعني مبقاش مجرد فيلم ! لكن يظل Sony في الفيلم دا هو ثورة الذكاء
الاصطناعي اللي بيعسي ليها جميع علماء المجال دا و حلمهم في تصنيع روبوتات تحاكي الانسان علي الرغم من ان اكثر
الروبوتات تطورا و ذكاء في العالم لا يقارب ذكاء الذبابه !
و السؤال المهم : ليه لازم اعرف اكتر عن الذكاء الاصطناعي ؟
عشان تعرف نفسك اكتر و تعرف ازاي بتفكر؟ و تواكب العصر الحالي و اللي بيعد الذكاء الاصطناعي اهم محاوره . مجالات
الذكاء الاصطناعي كتيره جدا و اهمها واكثر شيوعا هو ال Machine Learning و اللي من خلاله تقدر تخلي الالات تتعلم
بدون برمجه مسبقه لاحداث بعينها و بيركز علي تطوير برامج بتتغير بتغير الاحداث المحيطه و الجديده .
عاوز تعرف اكتر و بصوره مبسطه عن الذكاء الاصطناعي شوف مجموعة الفيديو دي من Facebook اللي بيتكلم فيها
ببساطه عن الذكاء الاصطناعي
و لو عاوز تدرس أكتر عن ال Machine Learning فاحب اقدملك كورس تمهيدي من علي منصة coursera و اللي
هيبدأ كمان يومين :
عاش جدا بجد...
ReplyDelete